Eel Electric MMC Zavodunda Kamera Nəzarət və Təhlükəsizlik Sistemi
"Eel Electric" MMC, Ağdam Sənaye Parkında elektrik avadanlıqlarının istehsalı ilə məşğul olan qabaqcıl müəssisələrdən biridir. 1,7 hektar ərazidə yerləşən bu zavodda Avropa və Türkiyənin müasir texnologiyaları tətbiq olunaraq 35 kV, 10 Kv və 0.4 kV gücündə elektrik paylayıcı qurğuların istehsalı həyata keçirilir. Müəssisə 70 işçini işlə təmin edərək, daxili və xarici bazar üçün yüksək keyfiyyətli məhsullar istehsal edir.
Layihə və Təhlükəsizlik Həlləri: Safenet şirkəti olaraq, "Eel Electric" MMC zavodunun təhlükəsizliyini təmin etmək məqsədilə müasir kamera nəzarət və təhlükəsizlik sistemləri qurduq. Layihə çərçivəsində yüksək dəqiqlikli təhlükəsizlik kameraları və nəzarət avadanlıqları quraşdırılmışdır. Bu sistem, müəssisənin ərazisinin 24/7 izlənilməsini və təhlükəsizliyinin maksimum səviyyədə saxlanmasını təmin edir.
Quraşdırılmış Texnologiyalar: Zavodda quraşdırılan təhlükəsizlik sistemi real vaxt rejimində hər bir ərazinin izlənilməsini təmin edərək, təhlükəsizlik tədbirlərinin gücləndirilməsinə şərait yaradır. Sistem uzaqdan idarə oluna bilir və işçilərin təhlükəsizliyini qorumaqla yanaşı, müəssisənin əməliyyat proseslərinə də nəzarəti gücləndirir.
Layihənin Əhəmiyyəti: "Eel Electric" MMC zavodunda quraşdırılmış bu təhlükəsizlik və nəzarət sistemləri müəssisənin istehsal prosesini fasiləsiz və təhlükəsiz şəkildə davam etdirməsinə şərait yaradır, müəssisənin daxili və xarici bazar üçün təhlükəsiz məhsullar təklif etməsinə töhfə verir.
